Azərbaycanda 10 minə yaxın valyuta dəyişmə məntəqəsi bağlanıb

15:07 - 9.06.2023


9 iyun, Fineko/abc.az. Azərbaycanda 10 minə yaxın valyuta dəyişmə məntəqəsi bağlanıb.

ABC.AZ xəbər verir ki, bunu Milli Məclisinin növbədənkənar sessiyasının növbəti iclasında deputat Siyavuş Novruzov deyib:

Onun sözlərinə görə, bu mıntəqələrdə minlərlə insan işləyirdi: “Artıq “qara bazar” var. Metro stansiyalarının qarşısında dollar dəyişmə yerləri fəaliyyət göstərir. 90-cı illərə qayıtmışıq sanki. Şənbə-bazar günləri heç yer işləmir, ölkəyə gələn turist pulunu harada dəyişsin? 1-2 bankın növbətçi filialları çalışır. Amma gərək Əhmədlidə olan şəxs pul dəyişmək üçü mərkəzə gəlsin”.

Deputat bildirib ki, düzdür, valyuta dəyişmə məntəqəsi açmaq üçün girov çoxdur: “Amma bu məntəqələr açılmalıdır. Rəqəmsal İnkişaf və Nəqliyyat Nazirliyi gözəl dayanacaqlar təqdim edir. O dayanacaqlar formasında dünyanın hər yerində pul dəyişmə məntəqələri var. Bizdə də açılıb işləsin. Bu, həm iş yeridir, həm də vətəndaşların və turistlərin rahatlığıdır".

Bütün xəbərlər