"Para Bank Olmayan Kredit Təşkilatı" ASC hesabat açıqladı - Pul itirməkdə davam edir

17:18 - 9.06.2023

9 iyun, Fineko/abc.az. 31 dekabr 2022-ci il tarixində bitən il üzrə maliyyə hesabatlarını dərc edib. 

ABC.AZ xəbər verir ki, "Para BOKT" ASC 2022-ci ilin sonunda 24 milyon 648 min manat cəmi aktivlərə malik olub. Təşkilat 2021-ci ilin sonunda 33 milyon 156 min manat cəmi aktivlərə malik idi. 

Ötən ilin sonunda "Para  BOKT"ın cəmi aktivlərinin 14 milyon 787 min manatını müştərilərə verilmiş kreditlər (kredit portfeli) təşkil edib. 2021-ci ilin sonunda Təşkilatın kredit portfeli 22 milyon 99 min manat təşkil etmişdi.

Ötən il "Para BOKT"ın cəmi öhdəlikləri 6 milyon 684 min manat və ya 13,8% azalaraq 41 milyon 541 min manata geriləyib. Cəmi öhdəliklərin azalması Təşkilatın banklara və digər maliyyə institutlarına ödəniləcək vəsaitlərin azalması ilə əlaqədardır.