Sabah Azərbaycanda havanın temperaturu 46 dərəcəyə yüksələcək

02.07.2018,14:24


2 iyul, Fineko/abc.az. Ekologiya və Təbii Sərvətlər Nazirliyi sabaha olan hava haqqında məlumatı təqdim edib.

Nazirliyin məlumatında deyilir ki, Abşeronda havanın temperaturu gecə saatlarında 25-27 dərəcə, gündüz isə 40-43 dərəcə təşkil edəcək.

“Bakıda gecə 25-27, gündüz 40-42 dərəcə isti olacağı gözlənilir”, - deyə məlumatda bildirilir.

Şimal çimərliklərdə suyun temperaturu 28-29 dərəcə, cənub çimərliklərdə isə 29-30 dərəcə təşkil edəcək.

“Ölkənin regionlarında sabah havanın temperaturu gecə 22-27, gündüz 40-44,  bəzi yerlərdə 46, dağlarda gecə 16-21, gündüz 28-33 dərəcəyə çatacaq”, - məlumatda belə deyilir. 

 

Açar sözlər: temperatur