10:20 - 3.07.2018

---

3 iyul, Fineko/abc.az. “Azərbaycan Dəmir Yolları”  QSC (ADY) sərnişinlərə xəbərdarlıq edir.

QSC-nin məlumatında bildirilir ki, elektrik enerjisinin verilməsində yaranmış problemlə bağlı, ölkənin regionlarından Bakı şəhərinin sərnişin stansiyasına gələn qatarların hərəkətində gecikmələr qeyd olunur.

“Eyni zamanda, elektrik enerjisi ilə bağlı problemlər səbəbindən Bakı-Sumqayıt-Bakı elektrik qatarları bu günün birinci yarısında fəaliyyət göstərməyəcək”, - məlumatda belə deyilir.

İyulun 2-dən 3-nə keçən gecə Mingəçevir Su Elektrik Stansiyasının transformatorlarından biri sıradan çıxmış, nəticədə bütün ölkə enerjisiz qalmışdır. Elektrik təchizatı qismən bərpa olunub.