10:26 - 3.07.2018

---

3 iyul, Fineko/abc.az. Bakı Nəqliyyat Agentliyi (BNA) gücləndirilmiş rejimdə işləməyi davam edir.

Agentliyin verdiyi məlumata görə, gecə saatlarında həyata keçirilən təcili tədbirlər nəticəsində paytaxtın bütün yollarında nəqliyyatın hərəkəti bərpa olunub.

“Mümkün texniki nasazlıqların qarşısını almaq üçün mobil qruplardan ibarət texniki heyət çalışır”, - deyə məlumat verildi.

Məlumatda deyilir ki, hazırda Bakının yollarında nəqliyyat vasitələrinin hərəkətində heç bir problem yoxdur.

İyulun 2-dən 3-nə keçən gecə Mingəçevir Su Elektrik Stansiyasının transformatorlarından biri sıradan çıxmış, nəticədə bütün ölkə enerjisiz qalmışdır. Elektrik təchizatı qismən bərpa olunub.