İyun ayında ARDNF valyuta satışını artırdı

05.07.2018,16:52


5 iyul, Fineko/abc.az. Azərbaycan Dövlət Neft Fondu (ARDNF) yerli bazarda xarici valyuta satışlarının şəffaflığını saxlamaqdadır.

Neft Fondunun məlumatına görə, Fond, iyun ayında valyuta hərraclarında 439 milyon dollar satmışdır.

May ayında hərraclarda 422,7 milyon dollar, aprel ayında isə 802,6 milyon dollar satılmışdır, birinci rübdə Fond 1310,2 milyon dollar həcmində valyuta  satıb.

2017-ci il ərzində ARDNF hərraclarda 3597,8 milyon dollar dəyərində valyuta satıb.