Azərbaycan və Avstriya Daşınmaz Əmlak Kadastrı sahəsində qanunvericiliyi paralel təkmilləşdirəcəklər

06.07.2018,17:16


6 iyul, Fineko/abc.az. Əmlak Məsələləri Dövlət Komitəsi ilə Avstriyanın Metrologiya və Mərzçəkmə Federal Qurumu arasında əməkdaşlığa dair qarşılıqlı anlaşma Memorandumu imzalanıb.

Dövlət Komitəsinin məlumatında deyildiyi kimi, Memorandum daşınmaz əmlak kadastrı və coğrafi informasiya sistemi sahəsində əməkdaşlığı nəzərdə tutur.

“Memorandumu Azərbaycan tərəfindən Əmlak Məsələləri Dövlət Komitəsinin sədri Kərəm Həsənov, Avstriya tərəfindən Metrologiya və Mərzçəkmə Federal Qurumunun rəhbəri Vernher Hofman imzalamışlar”, - məlumatda belə deyilir.

Məlumatda qeyd edilr ki,  Memorandum qanunvericiliyin təkmilləşdirilməsi, təcrübə və məlumat mübadiləsi, məsləhət xidmətlərinin göstərilməsi sahəsində qarşılıqlı yardımı nəzərdə tutur.

 

Açar sözlər: kadastr