17:10 - 20.09.2023

---

20 sentyabr, Fineko/abc.az. Dövlətə məxsus “AzerGold” QSC-nin 2023-cü ilin ilk yarısında satışları azalıb və onun maya dəyəri artıb.

ABC.AZ xəbər verir ki, bu barədə “AzerGold”un yarımillik audit hesabatında bildirilir.

Sözügedən hesabatda qeyd edilib ki, maya dəyərinin artması səbəbindən QSC yarımilliyi zərərlə tamamlamayıb.

Belə ki, ilin ilk 6 ayında dövlət şirkəti 40.36 milyon dollar cəmi gəlir əldə edib ki, bu da 2022-ci ilin analoji dövründən 7.74 milyon dollar və ya 16% azdır. Dövlət şirkətinin satışlarının maya dəyəri 32.32 milyon dollar olmaqla illik müqayisədə 5.53 milyon dollar və ya 21% azalmadır.

Beləliklə, bütün gəlir və xərclər fərqindən sonra dövlət şirkəti ötən yarım ili 1.17 milyon dollar xalis zərərlə tamamlayıb. Halbiki, 2022-ci ilin ilk yarısında  11.21 milyon dollar xalis mənfəət əldə etmişdi.