TANAP vasitəsilə indiyədək nə qədər qaz nəql edilib?

11:05 - 29.09.2023

29 sentyabr, Fineko/abc.az. İstifadəyə veriləndən Trans-Anadolu kəməri (TANAP) vasitəsilə 24 mlrd. kubmetr qaz nəql olunub.

ABC.AZ Apa-ya istinadən xəbər verir ki, bunu energetika naziri Pərviz Şahbazov Naxçıvanda keçirilən Beynəlxalq Konfransda çıxışı zamanı bildirib. 

Onun sözlərinə görə, bu ilin yanvarından indiyədək Azərbaycandan Türkiyəyə 7.2 mlrd. kubmetr qaz ixrac olunub ki, bunun da 4.2 mlrd. kubmetri TANAP vasitəsi ilə nəql olunub.

Nazir onu da qeyd edib ki, bu il Azərbaycandan Türkiyəyə 10.2 mlrd. kubmetr qaz ixrac olunacaq.

Pərviz Şahbazovun sözlərinə görə, Azərbaycanın Avropaya qaz ixracının artırılması çərçivəsində Türkiyə mühüm rol oynayacaq.

Bütün xəbərlər