Dünyanın ən bahalı geyim markası açıqlandı

11:07 - 3.10.2023

3 oktyabr, Fineko/abc.az. 2023-cü ildə dünyanın ən bahalı geyim markası “Nike Inc.” seçilib.

ABC.AZ Rusiya mətbuatına istinadən xəbər verir ki, bu barədə “Brand Finance”in illik araşdırmasında qeyd edilib. Vurğulanıb ki,  Amerika idman malları istehsalçısı 2015-ci ildən bəri liderliyini qoruyub saxlayır.

Eyni zamanda, “Nike” brendinin dəyəri il ərzində 5.6% azalıb və hazırda 31.3 milyard dollar olaraq qiymətləndirilir.

İkinci yeri, keçən il olduğu kimi, Fransanın “Louis Vuitton” brendi tutur. Onun dəyəri 12.2% artaraq 26.29 milyard dollar təşkil edib.

Üçüncü yerdə Fransanın digər lüks brendi – “Chanel” qərarlaşıb. O, 27% artaraq 19.39 milyard dollar göstərici ilə ilk üçlükdə “Gucci”ni əvəz edib.

Bütün xəbərlər