Azərbaycanda 1,5 milyon manat məbləğində güzəştli aqrar kreditləri ayrılıb

12.07.2018,11:31


12 iyul, Fineko/abc.az. Azərbaycan Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti artıq 1,5 milyon manat məbləğində güzəştli kredit ayırıb.

Dövlət xidmətinin rəhbəri Mirzə Əliyevin sözlərinə görə, ilin sonunadək 10 milyon manat məbləğində kreditlərin  verilməsi planlaşdırılır.

“Ölkənin 20 regionunda bitkiçiliklə və qablaşdırma ilə məşğul olan 40 fermerə 1,5 milyon manat həcmində güzəştli kredit verilib”, - deyə M.Əliyev bildirib.

Onun sözlərinə görə, kreditlər səlahiyyətli banklara 2%-dən verilir, banklar isə 7% ilə kredit ayırırlar. Gələcəkdə faiz dərəcələri azaldıla bilər.

 

Açar sözlər: aqrar kreditləri