15:48 - 31.10.2017

---

Bakıda Azərbaycan-Türkiyə Qarışıq Nəqliyyat Komissiyasının növbəti iclası keçirilib.

Nəqliyyat, Rabitə və Yüksək Texnologiyalar Nazirliyinin məlumatında deyildiyi kimi, Azərbaycanı iclasda avtomobil nəqliyyatı dövlət xidmətinin rəisi Həbib Həsənov, Türkiyəni isə Nəqliyyat, Dənizçilik və İnformasiya Nazirliyinin Avtomobil Daşımalarının Tənzimlənməsi Baş İdarəsinin rəisi Saim İlçioğlu təmsil etmişdir.

“Görüş əsnasında tərəflər, Azərbaycan və Türkiyə arasında beynəlxalq avtomobil daşımalarının cari vəziyyətini, statistik məlumatların mübadiləsi məsələsini, avtomobil daşıyıcılarının problemlərini və onların həlli yollarını müzakirə etmiş,  daşımalara və daşımaların inkişafı perspektivlərinə icazələrin verilməsi üçün blankların kvotası təsdiq edilmişdir”, - məlumatda belə deyilir.

İclasın sonunda yekun protokolu imzalanmışdır.