15:33 - 2.08.2018

---

2 avqust, Fineko/abc.az. İqtisadiyyat naziri Şahin Mustafayev Hindistanın Azərbaycandakı səfiri Sanjay Rana ilə görüşüb.

İqtisadiyyat  Nazirliyinin məlumatında deyilir ki, görüş zamanı Şahin Mustafayev bildirdi ki, Azərbaycanda 170-ə yaxın Hindistan kapitallı şirkətin fəaliyyət göstəriri.

“Nazir, Azərbaycanın iştirakı ilə həyata keçirilən beynəlxalq layihələr, xüsusilə də Şimal-Cənub nəqliyyat dəhlizi  haqqında çıxış etdi, səfir isə bu layihənin Hindistan üçün əhəmiyyətli olduğunu bildirdi”, - məlumatda belə deyilir.

Səfir həmçinin Azərbaycanın ixrac missiyasının Hindistana göndərilməsinin iqtisadi sahədə əlaqələrin inkişafı baxımından əhəmiyyətli olacağını qeyd edib. Bildirib ki, Hindistan Azərbaycanın Kiçik və Orta Biznesin İnkişafı Agentliyi və Azərbaycanda İxracın və İnvestisiyaların Təşviqi Fondu (AZPROMO) ilə əməkdaşlıqda və əlaqələrin genişləndirilməsində də maraqlıdır.