Bakıda çirkab su Xəzər dənizinə axıdıldı

03.08.2018,11:54


3 avqust, Fineko/abc.az. Azərbaycan Ekologiya və Təbii Sərvətlər Nazirliyi Xəzər dənizinə çirkab suyun axıdılması ilə bağlı daxil olan şikayəti araşdırıb.

Nazirliyin məlumatında deyilir ki, quruma Bakının Xəzər rayonu, Buzovna qəsəbəsi ərazisində Xəzər dənizinə çirkab suyun axıdılması ilə bağlı şikayət daxil olub.

“Nazirliyin mütəxəssisləri tərəfindən yerində monitorinq aparılıb, sözügedən ərazidən nümunələr götürülüb. Aparılan analizlərin nəticələrinə görə suyun tərkibində  çirkləndirici maddələrinin  normadan artıq olduğu müəyyən edilib”, - məlumatda belə deyilir.

Məlumatda qeyd edilir ki, bununla bağlı, əraziyə cavabdeh olan Bakı Su kanal İdarəsinin rəisi Habil Quliyev 2500 manat məbləğində cərimə olunub.