“Azerspace-2” peyki Fransız Qvianasında yerləşən Kuru kosmodromuna gətirildi

09.08.2018,12:38


9 avqust, Fineko/abc.az. Sentyabr ayında orbitə buraxılması planlaşdırılan “Azerspace-2” peyki Fransız Qvianasında yerləşən Kuru kosmodromuna gətirilib.

“Azərkosmos” ASC-in məlumatında deyilir lki, “Azerspace-2” Azərbaycanın orbitə çıxarılacaq üçüncü peyki olacaq.

“Azerspace-2” peyki “Arianespace” şirkətinə məxsus “Ariane-5″ daşıyıcı raketi ilə orbitə buraxılacaq”, - məlumatda belə deyilir. 

“Azerspace-2” peykinin orbitə çıxarılmasını üzrə işlər qrafikə uyğun aparılır. Yeni peykin istismarı üçün Bakıda və Naxçıvan MR-də yerüstü infrastrukturun yenilənməsi ilə bağlı işlər artıq yekunlaşıb.

“Azerspace-2” peykinin xidmət zonasına Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələri daxil olacaq.

 

Açar sözlər: Azərkosmos Azerspace