Maliyyə Nazirliyi 30 milyon manat məbləğində DOİ yerləşdirəcək

09.08.2018,16:58


9 avqust, Fineko/abc.az. Azərbaycan Maliyyə Nazirliyi Bakı Fond Birjası (BFB) vasitəsilə Dövlət Ortamüddətli İstiqrazların (DOİ) yerləşdirilməsi üzrə hərrac keçirəcək.

BFB-in məlumatında deyilir ki, avqustun 14-də  hər birinin nominal dəyəri 100 manat olmaqla, 30 milyon manat həcmində DOİ satışı üzrə hərrac keçiriləcək.

“İstiqrazların tədavül müddəti 728 gün, faiz gəlirliyi 8%-dir. Yerləşdirmənin anderrayteri qismində  “PASHA Capital” şirkəti çıxış edəcək”, - məlumatda belə deyilir.