Bakı Beynəlxalq Avtovağzalı bayram günlərində gücləndirilmiş iş rejimində çalışacaq

14.08.2018,17:10


14 avqust, Fineko/abc.az. Bakı Beynəlxalq Avtovağzal Kompleksi Qurban bayramı günlərində gücləndirilmiş iş rejimində fəaliyyət göstərəcək.

Kompleksin məlumatında deyilir ki, Qurban bayramı ilə əlaqədar yarana biləcək sərnişin sıxlığının qarşısını almaq məqsədilə iş qrafikində dəyişiklik edib.

“Avqustun 15-dən 27-dək Bakı Beynəlxalq Avtovağzalı gücləndirilmiş iş rejimində fəaliyyət göstərəcək. Bayram ərəfəsində 600-dən çox reyslə 16 mindən çox sərnişin daşınması nəzərdə tutulur”, - deyə məlumatda qeyd edilir.

Hazırda gün ərzində 400-440 nəqliyyat vasitəsilə təxminən 12 min sərnişin Avtovağzaldan yola salınır.

Əlavə sual və təkliflər üçün vətəndaşlar 012 406 01 58/59 nömrələrinə müraciət edə bilərlər.