10:33 - 4.09.2018

Bank 100-dən çox məktəblini sevindirib

4 sentyabr, Fineko/abc.az. "AccessBank" Korporativ Sosial Məsuliyyət siyasəti çərçivəsində növbəti tədbir keçirib. Beləki, bank qarşıdan gələn 15 sentyabr – Bilik günü münasibətilə Göyçay və Şəkidə 100-dən çox az təminatlı ailələrdən olan məktəblini sevindirib. İbtidai sinif şagirdlərinə "AccessBank" tərəfindən məktəbli çantası və dərs ləvazimatları hədiyyə olunub.

Sosial tədbir hər iki rayonun ictimaiyyəti tərəfindən olduqca müsbət qarşılanıb.

"AccessBank"ın Marketinq/Korporativ Bankçılıq departamentinin direktoru Günay Cəlilova: "Korporativ Sosial Məsuliyyət siyasətinə həssas yanaşan bankımız üçün təhsil sahəsi hər zaman prioritetlərdən biri olub. Bank tərəfindən mütəmadi olaraq bölgələrimizdə bu tipli tədbirlər keçirilir. Tədbirimizə qatılan hər bir məktəbli bizim parlaq gələcəyimizdir və biz gələcəyimizi daha da parlaq etmək üçün əlimizdən gələni etməliyik. Əminliklə deyə bilərəmki, "AccessBank" bundan sonra da təhsil sahəsinə dəstəyini əsirgəməyəcək".