“SpaceX” Ay ətrafına səyahət edəcək ilk kosmik turistin adını açıqlayacaq

14.09.2018,12:51

14 sentyabr, Fineko/abc.az. “SpaceX” şirkəti Ay ətrafında bir turistin uçuşu haqqında ilk razılaşmanın imzalandığını elan etdi.

“İnterfax” informasiya agentliyinin verdiyi xəbərə əsasən, turistin adı sentyabrın 17-də keçiriləcək xüsusi tədbirdə elan ediləcək.

“Kosmik uçuşlar yerinə yetirən “SpaceX” Amerika şirkəti, "Big Falcon Rocket" (BFR) raketində Ay ətrafında bir turistin uçuşu haqqında ilk razılaşmanı imzaladığını bildirib”, - “İnterfax”ın  məlumatında belə deyilir.

Şirkət gələn həftənin bazar ertəsi günü daha ətraflı məlumat təqdim etməyi söz verib.