Azərbaycan İrandan gətirilən 50 ton yoluxmuş kartofun idxalını qadağan etdi

20.09.2018,15:39


20 sentyabr, Fineko/abc.az. Azərbaycan Respublikası Qida Təhlükəsizliyi Agentliyi (AQTA) və Dövlət Gömrük Komitəsi (DGK) ölkəyə İrandan 49,4 ton yoluxmuş kartofun idxalının qarşısını alıblar. 

DGK-nin məlumatında deyilir ki, İrandan ixrac edilən kartofda aşkar olunmuş zərərverici  kartof güvəsi olub.

“Müəyyən edilmiş zərərvericinin istehlakçılar üçün təhlükəsini nəzərə alaraq, kartofun Azərbaycana gətirilməsi qadağan olundu, məhsullar "Biləsuvar" gömrük postunda irəlidəki araşdırma üçün saxlanıldı”, - DGK-nin məlumatında belə deyilir.

Məlumatda,  49,4 ton kartofun Azərbaycana idxalı "Gülü-80" MMC tərəfindən həyata keçirildiyi qeyd edilir.