330x110
 

“Kaspersky Lab”: Azərbaycanda ilin əvvəlindən başlayaraq 5500 kiberhücum qeydə alınıb

08.11.2017,16:15


8 noyabr, Fineko/abc.az. “Kaspersky Lab” şirkəti Azərbaycanda kiberhücumların statistikasını elan edib.

“Kaspersky Lab”ın Bakı nümayəndəliyinin rəhbəri Müşfiq Məmmədov bildirib ki, 10 ay ərzində Azərbaycan istifadəçiləri arasında 5500 hücum qeydə alınmışdır.

“Statistikaya əsasən, hər bir hüquqi müştəriyə 50 kiberhücum düşür”, - M.Məmmədov belə deyib.

Onun sözlərinə görə, kiberhücumlar, yalnız zərərli proqram təminatından (malware) deyil, həmçinin də, işçilərin zəif məlumatlandırılmasından ötrü baş verir.