Nazir Əbülfəs Qarayev Rusiya Federasiyasının mədəniyyət nazirinin müavinini qəbul edib

21.09.2018,18:17


21 sentyabr, Fineko/abc.az. Azərbaycan Respublikasının mədəniyyət naziri Əbülfəs Qarayev Rusiya Federasiyasına rəsmi səfəri çərçivəsində 21 sentyabr 2018-ci il tarixində Rusiya Federasiyasının mədəniyyət nazirinin müavini Pavel Stepanovla görüşmüşdür. Görüş çərçivəsində 2019-2020-ci illərdə Azərbaycan Respublikası və Rusiya Federasiyasında qarşılıqlı mədəniyyət mövsümlərinin keçirilməsi ilə bağlı razılığın əldə edilməsindən əlavə bir sıra digər məsələlər müzakirə edilmişdir.

Müzakirələr zamanı müştərək film çəkilişinin həyata keçirilməsi, müvafiq təhsil ocaqları arasında əməkdaşlığın genişləndirilməsi, o cümlədən, teatr sahəsində çalışan gənc kadrların mübadiləsi, xoreoqrafiya tədris ocaqları arasında qarşılıqlı əməkdaşlıq imkanlarının nəzərdə keçirilməsi məsələləri qaldırılmışdır.

Açar sözlər: Əbülfəs Qarayev