16:00 - 28.09.2018

---

28 sentyabr, Fineko/abc.az. Əmək və Əhalinin Sosial Müdafiəsi Nazirliyi, Maliyyə Bazarlarına Nəzarət Palatası, İcbari Sığorta Bürosu, PAŞA Həyat Sığorta, Atəşgah Həyat Sığorta və Qala Həyat Sığorta sığorta şirkətləri əməkdaşlıq haqqında Memorandum imzaladılar.

Memoranduma istehsalatda bədbəxt hadisələrin icbari sığortası üzrə müqavilələrin bağlanması, işəgötürənlərin məsuliyyətinin artırılması və istehsalatda bədbəxt hadisələrin qarşısının alınması üzrə tədbirlərin görülməsi daxildir.

İmzalanma zamanı Maliyyə Bazarlarına Nəzarət Palatasının icraçı direktoru İbrahim Alışov bildirib: “2017-ci ildə istehsalatda bədbəxt hadisələrin icbari sığortası üzrə şirkətlər 33,2 milyon manat toplayaraq 4,3 milyon manat ödəyiblər, 2018-ci ilin birinci yarısında 21,3 milyon manat toplayaraq 1,7 milyon manat ödəyiblər ki, bu da həmin növ sığortanın artmasını göstərir”.