Azərbaycan Dövlət Aqrar Ticarət Şirkəti nar istehsalçılarına paytaxtda məhsulları satmağa kömək edəcək

02.10.2018,16:00


2 oktyabr, Fineko/abc.az.  Azərbaycan Kənd Təsərrüfatı Nazirliyinin Dövlət Aqrar Ticarət Şirkəti və Nar İstehsalçıları və İxracatçıları Assosiasiyası əməkdaşlıq haqqında memorandum imzaladılar.
Memorandumu ticarət şirkətinin rəhbəri Leyla Məmmədova və Assosiasiyanın prezidenti Fərhad Qaraşov imzaladılar. 

Memorandumun imzalanmasının məqsədi Nar İstehsalçıları və İxracatçıları Assosiasiyasının üzvləri tərəfindən malların satışına dəstək vermək, həmçinin istehsalçıların maariflənməsini təkmilləşdirməkdir.
Nar istehsalçılarına dəstək “Kənddən şəhərə” layihəsi çərçivəsində, xüsusilə paytaxtda fəaliyyət göstərən mağazalar vasitəsilə həyata keçiriləcəkdir.