Mərkəzi Bank 300 milyon manat həcmində qısamüddətli notlar yerləşdirdi

17:23 - 3.10.2018


3 oktyabr, Fineko/abc.az. Bu gün  Azərbaycan Mərkəzi Bankı (AMB) qısamüddətli notların yerləşdirilməsi üzrə hərrac keçirdi.

BFB-in məlumatında deyilir ki, 3 oktyabr  tarixində AMB 50101770S dövlət nömrəli, 300 milyon manat həcmində, 28 gün müddətinə qısamüddətli notlar təklif etmişdir.

17 investordan 984 602,9 min manat məbləğində 31 sifariş daxil olmuşdur. İnvestorlar notlar üçün 99,3812 manat (gəlirlilik 8,01%) təklif etmişlər.

Mərkəzi Bankın qərarına əsasən,  kəsmə qiyməti 99,3812 manat (gəlirlilik 8,01%), orta ölçülmüş qiymət də həmin səviyyədə müəyyən edilmişdir. Nəticədə 300 milyon manat həcmində qısamüddətli notlar yerləşdirilmişdir.

Notların ödəmə tarixi: 31 oktyabr 2018-ci il.

 

Bütün xəbərlər