Mərkəzi yollardan birində nəqliyyatın hərəkəti məhdudlaşdırılacaq

08.10.2018,11:59

8 oktyabr, Fineko/abc.az. Dövlət Avtomobil Nəqliyyatı Agentliyi yollarda hərəkətin keyfiyyətini təmin etmək üçün tədbirlər görür.

Agentliyin verdiyi məlumata görə, bu gün saat 23:00-dan səhər saat 06:00-dək Bakıxanov küçəsi ilə Səməd Vurğun küçəsinin kəsişməsində yol hərəkəti məhdudlaşdırılacaq.

“Dövlət Avtomobil Nəqliyyatı Agentliyi sürücülərin müvəqqəti olaraq alternativ yollardan istifadə etməsini xahiş edir”, - məlumatda belə deyilir.