ARDNF dünyanın 100 ən nüfuzlu investorları sırasına daxil edildi

11.10.2018,11:26


11 oktyabr, Fineko/abc.az. Dövlət Neft Fondu (ARDNF) 2018-ci ildə dövlət vəsaitlərinin idarə edilməsi üzrə dünyanın ən nüfuzlu 100 investorları arasında yer aldı.

Fondun məlumatında deyilir ki, Suveren Fondlar İnstitutunun (SWFI) “Public Investor 100” reytinqində  ARDNF 10-cu yeri tutmuşdur.

“Siyahıya mövcud şəraitdə vəsaitlərin idarə edilməsində fərqlənən dünyanın böyük suveren fondları, pensiya fondları, ianə fondları, mərkəzi bankları və s. təşkilatlar arasından seçilmiş 100 ən nüfuzlu investor daxil edilmişdir”, - məlumatda belə deyilir.

“Public Investor 100” reytinqi maliyyə qurumların fəaliyyətlərində tətbiq edilən innovasiyalar, xüsusi proqramlar, maliyyələşdirmə mexanizmləri, gəlirlilik göstəriciləri, mövcud şərait, həyata keçirilmiş təşəbbüslər kimi meyarlar nəzərə alınmaqla tərtib edilmişdir.

“Public Investor 100” siyahısı ilə tanış olmaq üçün aşağıdakı linkə keçid ala bilərsiniz:

https://www.swfinstitute.org/swf-news/press-release-public-investor-100-rankings-released-for-2018/