Azərbaycanda qeydiyyatdan keçməmiş açıq reklam yayımlayan sahibkarlar 10 min manata qədər cərimələnəcəklər

10:52 - 22.10.2018


22 oktyabr, Fineko/abc.az. Azərbaycan Dövlət Reklam Agentliyi (ADRA) qanunsuz reklamlarla mübarizə üzrə tədbirləri sərtləşdirir.

ADRA-nın məlumatında deyilir ki, reklam yayımlayanlar reklamlarını qeydiyyatdan keçirməlidirlər, əks təqdirdə həmin sahibkarlara qarşı qanunvericilik çərçıvəsində müvafiq addımlar atılacaq.

“Tələblərə əməl etməyən reklam yayıcılarını 10 000 manatadək cərimə gözləyir. Artıq bəzi ərazilərdə icazəsiz reklamların söküntüsünə başlanılıb”, - məlumatda belə deyilir.

 

Bütün xəbərlər