“Boston Consulting Group” Bakının Baş Planını yenidən hazırlayır

23.10.2018,15:59


23 oktyabr, Fineko/abc.az. Dövlət Şəhərsalma və Arxitektura Komitəsi Bakının Baş Planının layihəsini hazırlayır.

Dövlət Komitəsinin sədr müavini Dövlətxan Dövlətxanovun sözlərinə görə, planın hazırlanması üçün “Boston Consulting Group” şirkəti cəlb edilib.

“Hazırda “Boston Consulting Group” şirkəti ilə birgə planın hazırlanmasının birinci mərhələsi başa çatır və ikinci mərhələnin başlanğıcında hazırlıq işləri aparılır. Planın 2019-cu ilin sonuna qədər başa çatdırılması planlaşdırılır”, - deyə  D. Dövlətxanov bildirib.

Daha öncə  Komitə Bakının Baş Planını (Böyük Bakının Regional İnkişaf Planı) hazırlamışdı ki, bu da Nazirlər Kabinetinə baxılması üçün təqdim edilmişdir. Layihə bəyənilməmişdir və hazırda yenidən hazırlanmaqdadır.