Bakıda Transxəzər Beynəlxalq nəqliyyat dəhlizinin təqdimatı keçiriləcək

11:59 - 19.11.2018


19 noyabr, Fineko/abc.az. Bakıda, Çində keçirilən təqdimata analoji olaraq, Transxəzər beynəlxalq nəqliyyat dəhlizinin təqdimatı keçiriləcək.

Azərbaycanın İqtisadiyyat naziri Şahin Mustafayev Gürcüstanın maliyyə naziri İvane Maçavariani ilə görüşündə bildirib ki, bu ilin əvvəlində Çində “Transxəzər Beynəlxalq nəqliyyat dəhlizi” layihəsinin təqdimatı keçirilib.

“Bakıda analoji təqdimatın keçirilməsi planlaşdırılır”, -  deyə nazir bildirib.

Öz növbəsində, İvane Maçavariani bildirib ki, Azərbaycan və Gürcüstanın iştirakı ilə dəhlizin təqdimatı regionun nəqliyyat və tranzit potensialının təbliği baxımından mühüm olacaq.

 

Bütün xəbərlər