Azərbaycanda aqrar kredit skorinqi tətbiq olunacaq

23.11.2018,15:05


23 noyabr, Fineko/abc.az. Azərbaycan Kənd Təsərrüfatı Nazirliyi aqrar kreditləşmə mexanizmini təkmilləşdirəcək.

Nazirliyin Kənd Təsərrüfatı layihələri və kreditləri Dövlət Xidmətinin rəis müavini Əmir Əmirlinin sözlərinə görə, hazırda beynəlxalq təşkilatlarla birgə kredit skorinqi proqramı hazırlanır (scoring borcalanın kredit qabiliyyətinin qiymətləndirilməsidir).

“Proqramın hazırlanması tamamlanma mərhələsindədir. Kredit təşkilatları skorinq vasitəsilə verilən kreditləri düzgün təhlil edə biləcəklər. Hazırda skorinqin aqrokredit sisteminə transformasiyası  məsələləri müzakirə olunur. Hesab edirəm ki, ilin sonuna qədər müzakirə prosesini tamamlayacağıq”, - deyə Ə. Əmirov bildirib.