İlham Əliyev Salome Zurabişvili Gürcüstanın Prezidenti vəzifəsinə seçilməyi münasibətilə təbrik etdi

30.11.2018,12:11


30 noyabr, Fineko/abc.az. Azərbaycan Prezidenti İlham Əliyev Salome Zurabişvili Gürcüstanın Prezidenti vəzifəsinə seçilməyi münasibətilə  təbrik edib.

"Hörmətli xanım Zurabişvili, Gürcüstanın Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm. Azərbaycan ilə Gürcüstanı ənənəvi dostluq və mehriban qonşuluq münasibətləri birləşdirir. İnanıram ki, ölkələrimiz arasında qarşılıqlı etimad və dəstəyə əsaslanan strateji tərəfdaşlığın daha da möhkəmləndirilməsi, əməkdaşlığımızın bütün sahələrdə bundan sonra da müvəffəqiyyətlə davam etdirilməsi və inkişafı yolunda birgə səylər göstərəcəyik. Sizə möhkəm cansağlığı, xoşbəxtlik, dost Gürcüstan xalqının rifahı naminə qarşıdakı məsul fəaliyyətinizdə uğurlar diləyirəm”, - təbrikdə belə deyilir.