2018-ci ildə turistlər Azərbaycanda 1,12 milyard manat xərcləyiblər

15:24 - 3.12.2018


3 dekabr, Fineko/abc.az. Yanvar-oktyabr aylarında Azərbaycanda əcnəbilər plastik kartlar vasitəsilə 1,119 milyard manatlıq bank əməliyyatlarını həyata keçirmişlər.

İqtisadi İslahatların Təhlili və Kommunikasiya Mərkəzinin araşdırmalarına əsasən, əməliyyatların dəyəri ötən ilin müvafiq dövrü ilə müqayisədə 248 milyon manat və ya 28% artıb.

“Yalnız oktyabr ayında əcnəbilər ötən ilin oktyabr ayına nisbətən bank kartları ilə 117 milyon manat və ya 57% çox mal və xidmətlər ödəmişlər”, - icmalda belə deyilir.

Yanvar-oktyabr aylarında ölkəyə 2,420 milyon xarici və vətəndaşlığı olmayan şəxs gəlmişdir. Bunlardan 31,1%-i Rusiya, 20,2%-i Gürcüstan, 10,1%-i Türkiyə, 8,9%-i İran, 3,2%-i BƏƏ, 2,8%-i Səudiyyə Ərəbistanı, 2,6%-i İraq, 2%-i Ukrayna, 1,6%-i İsrail vətəndaşları, 17,4%-i digər ölkələrdən gələnlər və 0,1% -i vətəndaşlığı olmayan şəxslər olub.

 

Bütün xəbərlər