OPEC+ nazirləri neft hasilatının azaldılması zəruriliyi ilə razılaşdılar

06.12.2018,11:46


6 dekabr, Fineko/abc.az. Dünən OPEC+ nazirləri, Rusiya daxil olmaqla, Monitorinq Komitəsinin iclasında neft hasilatının azaldılması zəruriliyini qəbul etdilər.

Oman neft və təbii qaz naziri Məhəmməd bin Həməd əl-Rumhi iclasın sonunda jurnalistlərə bildirib ki, hər kəs bu günkü görüşdə hasilatın azaldılmasının zəruri olması ilə razılaşdı.

“Konsensus bundan ibarətdir ki, biz azaltmalıyıq. 2019-cu ildə hasilatın azalması ilə bağlı kvotalar gündə təxminən 1 milyon barel təşkil edə bilər”, - deyə Məhəmməd bin Həməd Əl-Rumhi əlavə edib.