Azərbaycanda özəl sahibkarlar alternativ enerji mənbələrinin ərazi istifadəsi prosesinə cəlb olunacaqlar

14.12.2018,13:16


14 dekabr, Fineko/abc.az. Azərbaycan Energetika Nazirliyi gələn il alternativ enerji mənbələri ilə bağlı qanun layihəsinin hazırlanmasını başa çatdıracaq.

Energetika nazirinin müavini Samir Vəliyevin sözlərinə görə, qanun layihəsi gələn ilin aprel-may aylarında hazır olacaq.

“Qanun layihəsində investorların maraqları nəzərə alacaq. Fiziki  şəxslərin təşəbbüsü və fərdi investisiya hesabına günəş, külək və bioenergetika sahəsində layihələr həyata keçiriləcək. Həmçinin alternativ enerji ilə təmin etmək üçün, müəyyən ərazilərin özəl investorlara ötürülməsi”, - nazir müavini bunu deyib.