2019-cu ildə "Pure Production" şirkəti Azərbaycana 500 min dollarlıq halal kosmetika məhsulları tədarük edəcək

17:55 - 25.12.2018

25 dekabr, Fineko/abc.az. Halal standartlarına əsasən kosmetika məhsullarının istehsalını həyata keçirən Qaraçay-Çerkesiyanın “Pure Production” şirkəti 2019-cu ildə Azərbaycana məhsulların tədarükü haqqında müqavilə imzalayıb.

Qaraçay-Çerkesiya Sahibkarlığa Dəstək Mərkəzinin rəhbəri Artur Ezajv bildirib ki, müqavilənin dəyəri 500 min dollar təşkil edir.

“Azərbaycana  məhsulların tədarükünü  2019-cu ildə başlayacağıq”, - deyə şirkətin baş direktoru Denis Brem bildirib.

“Pure Production” Qaraçay-Çerkesiyada halal kosmetika məhsullarının yeganə istehsalçısıdır. Şirkət ilk dəfə 2017-ci ilin noyabr ayında öz məhsullarını respublika bazarına çıxartdı və hazırda onun məhsulları 43 addadır. Kosmetikanın xüsusiyyətlərindən biri, onun heyvanlar üzərində sınaqdan keçirilməməsindən ibarətdir.