Azərbaycanda həyat sığortası üzrə fəaliyyət göstərən şirkətin idarə heyətində yeni təyinatlar olub

01.02.2019,17:42


1 fevral, Fineko/abc.az. “Atəşgah Həyat” sığorta şirkətinin rəhbərliyində dəyişikliklər baş verib.

Şirkətin məlumatına görə, 16 yanvar tarixində sığorta şirkətinin ümumi yığıncağında yeni idarə heyəti üzvlərini təyin etmək qərarı qəbul edildi.

“İdarə heyətinin yeni üzvləri hazırda Mahmud Səfərov, Xəqani Baxşəliyev və Yusif İmamverdiyev təyin olunub. Hazırda onlar, departament və ya idarə  rəhbərləri vəzifələrindədir”, - deyə şirkətdən bildiriblər.

Sığorta şirkətinin idarə heyətinin sədri Azər Əliyev,  onun müavini isə Orxan Şirinlidir.