Maliyyə Nazirliyi 20 milyon manat həcmində DOİ yerləşdirib

05.03.2019,17:31


5 mart, Fineko/abc.az. Azərbaycan Maliyyə Nazirliyi Bakı Fond Birjası (BFB) vasitəsilə dövlət ortamüddətli istiqrazların (DOİ) satışını həyata keçirib. 

BFB-in məlumatına əsasən, martın 5-də AZ0105004755 ISIN-li, 20 mln. manat həcmində, 728 gün tədavül müddətli DOİ yerləşdirilməsi üzrə hərrac keçirilmişdir.

10 investor tərəfindən qiymət intervalı 100.0000 AZN (8%) və 100.9128  AZN (7.5%) olan 13 sifariş təqdim edilmişdir.

Maliyyə Nazirliyinin qərarına əsasən, istiqrazların kəsmə qiyməti 100.9128  (7.5%), orta ölçülmüş qiyməti də eyni səviyyədə müəyyən edilmişdir.

Nəticədə 20 milyon manat həcmində DOİ yerləşdirilmişdir.

DOİ-in ödəmə tarixi: 2 mart 2021-ci il.