Bakı MDB ölkələri arasında yeni il istirahəti üçün “lüks” sinfinə daxil edilib

12:09 - 24.11.2017


24 noyabr, Fineko/abc.az. “TurStat” analitik agentliyi, MDB-ın qış səyahətləri üçün turistlər tərəfindən bəyənilən ən yaxşı şəhərlərinin reytinqini tərtib edib.

Agentliyin xəbərində  deyildiyi kimi, Rusiyada yeni il bayramı 30 dekabr 2017-ci il tarixindən 8 yanvar 2018-ci il tarixində qədər keçiriləcək.

Reytinq 2017-2018-ci ilin qışında populyar olan  turizm səyahətlərinin təhlili nəticəsində tərtib edilib. Minsk, Almatı və Bakı yeni ildə MDB ölkələrinə qış səyahətlərinin reytinqində liderlik edir.

2017-2018-ci ilin qışında turistlər arasında MBD-nin ən populyar şəhərlərinin ilk onluğunu,  Minsk, Almatı, Bakı, Astana, Yerevan, Daşkənd, Brest, Bişkek, Kişinyov və Gəncə təşkil edir.

İstirahət günlərində turistlər MDB ölkələrinin  paytaxtlarına, həmçinin, dağ-xizək kurortlarına səyahət edirlər. Bura, Qazaxıstandakı Çimbulaq, Azərbaycandakı Şahdağ və Tufandağı, Belarusun Minsk vilayətindəki Siliçi və Loqoysk  aiddir. “TurStat”ın məlumatına əsasən,  turistlər qışda MDB ölkələrinin paytaxlarına orta hesabla 4-günlük istirahətə gəlirlər və sutkada 75 dollar xərcləyirlər.

MDB ölkələrinə ucuz səyahətlər üçün Bişkek və Kişinyov populyarlıq təşkil edir. “Lüks” istirahət üçün isə Bakı və Astana ilk yerlərdə müəyyənləşib.

 

Bütün xəbərlər