Azərbaycan Dünya Bankından Bakıdan Astaraya qədər dəmir yolunun tikintisi üçün kredit tələb edib

10:59 - 15.03.2019

15 mart, Fineko/abc.az . “Azərbaycan Dəmir Yolları” QSC "Şimal-Cənub" beynəlxalq nəqliyyat dəhlizinin tikintisi çərçivəsində dəmir yollarının yenidən qurulması və modernləşdirilməsini davam etdirir.

QSC-in İdarə Heyətinin sədri Cavid Qurbanovun sözlərinə görə, Bakıdan Astara şəhərinə qədər 243 km uzunluğunda sahənin inşaatına başlanılıb.

“Biz artıq Dünya Bankına yolun tam yenidən qurulması və modernləşdirilməsi, iki zolağa qədər genişləndirilməsi, kommunikasiya və siqnalizasiya sistemlərinin elektronlaşdırılması və yeniləməsi üçün kredit ayırmaq üçün müraciət etmişik», -  deyə C.Qurbanov bildirib.

Cavid Qurbanov istənilən kreditin məbləğini açıqlamayıb.

 

Bütün xəbərlər