Yanvar-fevral aylarında Azərbaycan telekommunikasiya xidmətlərinin ixracından 2 milyon dollar qazandı

01.04.2019,15:34


1 aprel, Fineko/abc.az. Yanvar-fevral aylarında “Azərkosmos” ASC peyk telekommunikasiya xidmətlərinin ("Azerspace-1") ixracından 2 milyon dollar qazanıb.

İqtisadi İslahatların Təhlili və Kommunikasiya Mərkəzinin “İxrac icmalı”nın mart sayında bildirildiyi kimi, telekommunikasiya xidmətləri dünyanın 15 ölkəsinə ixrac edilib.

“Yalnız fevral ayında dünyanın 14 ölkəsi “Azərkosmos”un 952 min dollar həcmində xidmətlərindən yararlanmışdır. Xidmətlər əsasən fevralda Fransaya, BƏƏ-nə, Almaniyaya, Nigeriyaya və Gürcüstana ixrac edilmişdir”, - məlumatda belə deyilir.