17:00 - 16.04.2019

---

16 aprel, Fineko/abc.az. Azərbaycan Dövlət Neft Şirkəti (ARDNŞ) ilin birinci rübündə 5,790 milyon ton neft ixrac edib.

ARDNŞ-dən bildirilib ki, bu müddət ərzində qaz ixracı 3,161 milyard kubmetr təşkil edib ki, bu da 2018-ci ilin eyni dövrü ilə müqayisədə 27% çoxdur.

“Həm dövlət, həm də ARDNŞ tərəfindən qaz ixracının artmasının əsas səbəbi “Şahdəniz-2” yatağından Türkiyəyə qaz tədarükünün başlanğıcıdır. Hazırda Cənubi Qafqaz qaz kəməri ilə kommersiya məqsədləri üçün 1,4 milyard kubmetr qaz nəql olunub”, - məlumatda belə deyilir.

Yanvar-mart aylarında neft və neft-kimya məhsullarının ixracı keçən ilin eyni dövrünə nisbətən 10,5% artaraq 456,379 ton təşkil edib.