330x110
 

May bayramlarında turistlərin daha çox seçdiyi şəhər Bakıdır

02.05.2019,10:02


2 may, Fineko/abc.az. Turstat analitik agentliyi bu ilin may bayramlarında Rusiya turistlərinin səyahət üçün seçdiyi MDB ölkələri şəhərlərinin reytinqini təqdim etdi.

Agentliyin məlumatına əsasən, may bayramlarında MDB ölkələrinə səfərlərin reutinqində Azərbaycan, Belarus və Qazaxıstan lider mövqeləri tutub.

“May ayında turistlər arasında MDB-nin ilk on şəhərləri Bakı, Minsk, Nur-Sultan (Astana), Yerevan, Almatı, Daşkənd, Bişkek, Kisinyov, Düşənbə və Aşqabad seçilib. Turistlər may ayında MDB-nin şəhərlərinə 3-5 gün müddətinə gəlirlər və ərzaq və yaşayış üçün gündə 60 dollardan 120 dollara qədər xərcləyirlər”, - deyə məlumatda bildirilir.

Rusiyada may bayramları mayın 1-dən mayın 5-dək və 9-dan 12-dək keçirilir. Reytinq may turlarının populyarlığının təhlili əsasında tərtib edilib.