Azərbaycanda problemli borcalanların 84%-i kompensasiya aldı

14.05.2019,16:59


14 may, Fineko/abc.az. Azərbaycan Maliyyə Bazarlarına Nəzarəti Palatası artıq problemli kreditlər üzrə kompensasiyaların 84 faizini ödəyib.

Palatadan verilən məlumata görə, ikiqat devalvasiya nəticəsində problemli (dollar) kreditlərin kompensasiyasına dair Prezidentin sərəncamı ümumilikdə 602 min nəfəri əhatə edir.

“Mayın 13-də 506 min vətəndaş artıq kompensasiya almışdır, beləliklə kompensasiya verilməsi planı 84% yerinə yetirilmişdir. Nəticədə,  243 min nəfərin gecikdirilmiş kreditlərinin məbləği azalıb, digər 263 min nəfər nağd və nağdsız formada kompensasiya alıb”, - məlumatda belə deyilir.