UEFA Avropa Liqasının Bakıda keçiriləcək final oyunu ilə əlaqədar banklar gücləndirilmiş iş rejiminə keçəcək

22.05.2019,16:22


22 may, Fineko/abc.az. Maliyyə Bazarlarına Nəzarət Palatasından verilən məlumata görə, Bakıda keçiriləcək UEFA Avropa Liqasının final oyunu ilə əlaqədar 27 may – 1 iyun tarixlərində 22 bankın 75 filial və şöbəsi müştərilərə gücləndirilmiş iş şəraitində xidmət göstərəcək.

Bundan əlavə final oyunu ərəfəsində ölkə əhalisinin və turistlərin maliyyə xidmətlərindən asanlıqla faydalanması üçün Palata tərəfindən istifadəyə verilmiş İ-MAP informativ xəritədə “FinalBaku2019” başlıqlı bölmə yaradılıb. Aşağıda qeyd olunan keçid vasitəsilə adıçəkilən bölməyə daxil olan istifadəçilər 27 may – 1 iyun tarixlərində ölkəmizdə gücləndirilmiş iş rejimində fəaliyyət göstərəcək maliyyə subyektləri barədə ətraflı məlumat əldə edə bilərlər.

İ-Map informativ xəritəyə keçid: https://www.fimsa.az/az/map