Prezident Maliyyə Monitorinqi Xidmətinin Vergilər Nazirliyinin tərkibində fəaliyyət göstərməsi haqda Sərəncam imzalayıb

15:58 - 30.05.2019


30 may, Fineko/abc.az. Prezident İlham Əliyev  cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində idarəetmənin təkmilləşdirilməsi ilə bağlı Sərəncam imzalayıb.

Sərəncama əsasən Azərbaycan Respublikasının Vergilər Nazirliyi Azərbaycan Respublikasının Maliyyə Monitorinqi Xidmətinin həmin Nazirliyin tərkibində fəaliyyət göstərməsinin təmin edilməsi məqsədilə müvafiq normativ hüquqi aktların layihələrini hazırlayıb Azərbaycan Respublikasının Prezidentinə təqdim edilsin.

Öncə MMX MBNP yanında fəaliyyət göstərib. 2018-ci ilin may ayında Azərbaycan prezidenti İlham Əliyev Maliyyə Monitorinqi Xidməti publik hüquqi şəxsin yaradılması haqqında fərman imzalayıb.

Onun məqsədi cinayət yolu ilə əldə edilmiş pul vəsaitlərinin və ya digər əmlakın leqallaşdırılmasının və terrorçuluğun maliyyələşdirilməsinin qarşısını almaq sahəsində vahid tənzimləməni və nəzarəti həyata keçirməkdir.

 

Bütün xəbərlər