Anar Həsənov: Yaxın zamanlarda biznes kreditləri daha da çoxalacaq

11.06.2019,16:11


11 iyun, Fineko/abc.az. Son 2 ildə Azərbaycanda ixrac həcmi dəyişib.

Bunu Accessbank ASC-nin təşkil etdiyi biznes forumda adıçəkilən bankın idarə heyətinin sədri Anar Həsənov bildirib.

Bank sektorundakı vəziyyətə toxunan bank rəsmisi kredit portfelinə görə hazırda təmsil etdiyi bankın 5-ci pillədə qərarlaşdığını vurğuladı.

A.Həsənovun sözlərinə görə, son bir ilin dinamikası onu göstərir ki, dollarda olan depozitlər çevrilib, manatda saxlanılır: "Nəticələr onu göstərir ki, bankımızın depozit portfeli o qədər çoxalıb ki, biz ola bilsinki yaxın gələcəkdə heç xarici kreditdən istifadə etməyək. Biz hesab edirik ki, yaxın zamanlarda biznes kreditləri daha da çoxalacaq və proses buna doğru gedir".