Ekspertdən açıqlama: Ödənişlərdəki problemlər və süründürməçiliklər hələ də qalmaqdadır

12.06.2019,11:22


12 iyun, Fineko/abc.az. 2018-ci illə müqayisədə Azərbaycanın sığorta bazarı inkişaf edib, lakin həyat sığortasına tətbiq edilən məhdudiyyətlər bu sahədəki dinamikanı ləngidir.

Bu fikri sığorta eksperti İlkin İbrahimov deyib.

Məhdudiyyətlərə baxmayaraq bəzi faktorların tətbiqi icbari tibbi sığorta və aqrar sığortaya keçiddə daha çox inkişafa nail olacağımızı göstərir deyən ekspert hesab edir ki, yığımlarda olan inkişafı sığorta ödənişlərinə aid etmək olmur: “Ödənişlərdəki problemlər və süründürməçiliklər yenə də qalmaqdadır. Xüsusilə əmlak sığortasında ödənişlər məsələsi yenə də problem olaraq qalır. Bu problemlər mütləq aradan qalxmalıdır. Əminəm ki, ondan sonra bu sektor daha da inkişaf edəcək”.