“Unibank”-ın Müşahidə Şurasının üzvləri 5-dən 4-ə endirilib

17:03 - 13.06.2019

13 iyun, Fineko/abc.az. “Unibank KB” ASC-nin Müşahidə Şurasında dəyişiklik baş verib.

Belə ki, Müşahidə Şurasının üzvlərindən biri olan Zoltan Salai vəzifəsini tərk edib. Bununla da bankın Müşahidə Şurasının ümumilikdə üzvlərinin sayı 5-dən 4-ə endirilib. Xəbəri bankın İctimaiyyətlə əlaqələr və media şöbəsinin müdiri Sülhiyyə Şirinova təsdiqləyib.

Qeyd edək ki, Z.Salai 2016-cı ildə MŞ üzvü seçilmişdi. Xatırladaq ki, “Unibank” ASC-nin nizamnamə kapitalı 125,68 mln. manatdır. Səhmlərinin 44,5%-i Avropa Yenidənqurma və İnkişaf Bankı, 41,9%-i Eldar Qəribov (MŞ sədri) və 13,6%-inə isə digər hüquqi və fiziki şəxslər sahibdir.

Bütün xəbərlər