Norm Sement ölkəmizdə ilk Beynəlxalq Beton Konfransının təşkilatçısıdır

19.06.2019,11:00


19 iyun, Fineko/abc.az. Bakı bu yay növbəti beynəlxalq tədbirə ev sahibliyi edəcək. Norm Sement, Beynəlxalq CPI Worldwide jurnalı və ICCX (Beynəlxalq Beton Sərgi və Konfrans) Academy-nin birgə təşkilatçılığı ilə “Azərbaycanda müasir beton texnologiyaları və inşaat istiqamətləri” mövzusunda beynəlxalq konfrans keçiriləcək. Tədbir 100-dən çox yerli və xarici şirkət nümayəndələrinin iştirakı ilə cari ilin iyun ayının 20-si, Four Seasons otelində baş tutacaq.

Tədbirə dəvət almış tikinti sektorunda fəaliyyət göstərən şirkət rəsmiləri və beton peşəkarları onlayn qeydiyyatdan keçməklə tədbirdə iştirak imkanı əldə edəcəklər. Konfrans müddəti ərzində  dəvətlilər rəsmi hissədə panelistlərin çıxışlarını dinləyəvə xarici şirkətlərin stendlərinin nümayiş olunduğu sərgi zalını ziyarət edə bilərlər.

Beynəlxalq beton konfransının ölkəmizdə təşkilinin əsas məqsədi tikintinin bütün sahələrində dəmir-beton konstruksiyalardan istifadənin artırılmasını stimullaşdırmaq, beton texnologiyasında son nailiyyətlərin ölkəmizdə tətbiqi, mövcud sahə üzrə Avropa təcrübəsindən faydalanmaq və ən müasir həll üsullarının tətbiqinə şərait yaratmaq, ümumilikdə tikinti sektorunun inkişafına təkan verməkdir.

Məlumdur ki, iqtisadiyyatın sürətli inkişafında və dinamik artımında inşaat sektorunun payı böyükdür.Tikinti sektorunun inkişafıxarici inşaat şirkətləri və tikinti materialları istehsalçısı olan zavodlar tərəfindən ölkə iqtisadiyyatına yatırılan sərmayenin artması, kütləvi iş yerlərinin açılması, ölkədəyeni infrastruktur layihələrinin həyata keçirilməsi, əhalinin daha keyfiyyətli və uzunömürlü yaşayış binaları ilə təmin olunması deməkdir.

Beynəlxalq tədbirə ev sahibliyi ölkəmizdə tikinti sektorunun inkişafınaxidmət etməklə yanaşı ölkəmizindünya ictimaiyyətində xüsusi çəkisinin və beynəlxalq nüfuzunun artmasına xidmət edir. Bu isə ölkəyə uzunmüddətli xarici investisiyaların cəlb olunmasına, turist axınının artmasına, habelə ölkəmizin ictimai-siyasi stabil ölkə kimi tanınmasına və nəticədə daha çox iqtisadi qazanc əldə edilməsinə imkan yaradacaq.

Beləliklə, fəaliyyət müddəti boyunca ölkənin qeyri-neft sektorunun inkişafında kifayət qədər payı olan Norm Sementin bu təşəbbüsü gələcəyə hesablanmış uzunmüddətli yatırımdır.

Norm şirkəti beynəlxalq nüfuza malik CPİ Worlwide jurnalı və İCCX Academy ilə uğurla əməkdaşlığa davam edərək daha bir ilkə imza atacaq. Şirkət Avropanın mötəbər qurumlardan biri Avropa Sement Tədqiqatları Akademiyasının (ECRA) həqiqi üzvüdür. Norm şirkətinin beynəlxalq səviyyədə əməkdaşlıq etdiyi digər qurum  Almaniyanın VDZ Elmi-Tədqiqat İnstitutudur. Hazırda VDZ tərəfindən zavodda istehsal olunan 5 çeşiddə sement və klinker məhsuluna illik uyğunluq sertifikatları təqdim olunur.

Açar sözlər: Norm